عمرو
كان حاجه زياده اوى اللى كان بيحصل ………. سهى حد رقيق جدا وجميل جدا …………… انما هى اختى ومش ممكن كان ينفع اشوفها غير كده دا مينفعش …………….. منكرش انى اه كنت بحبها انما كاخت وبس مش اكتر وصعب انى اشوفها غير كده دى بجد حاجه متنفعش …………. مينفعش

سهى
عمرو انسان محترم زوق وجدع وشهم وراجل……………….. وانا اكيد كنت بحب اتكلم معاه واحكى انما انا مكنتش اقدر ارتبط بيه عمرو دا كان اخويا وكان مستحيل انى احبه مستحيل ……………………………….. مينفعش

عمرو
مش عارف كان ليه الاصرار الرهيب دا مش عارف ……………… طول عمرى عايش بره مع بابا اتعودت على البنات المتحضرين اللى بيتكلموا وبيتعاملوا………… انما سهى زياده اوى دى كانت بتتكسف من خيالها متروحش معايا متجيش معايا متسلمش عليا فى الشارع …………. مع اننا اولاد عم وانا بصراحه مكنتش مستحمل دا انا مبحبش الخنقه ……….. انا فعلا كنت بعزها اوى وكنت بحب اتكلم معاها اوى وبرتاح معاها انما حب ……….. هههههههه ………….. لالالالالالالا كان مستحيل …….. مينفعش

سهى
عمرو كان منفتح اوى ……….. عاوز يضحك ويهرج ويلعب وانا مش كده …………. واحد عايش بره طول عمره انا زنبى ايه انا مش كده ……………. لما رجعوا من بره مكنش فى غيرى عمى معندهوش غير عمرو وبابا معندهوش غيرى وعمى وبابا ملهمش اخوات تانين ساعتها انا حمدت ربنا وفرحت بجد وقلت جالى اخ ……….. علشان كده بلعت كل عيوبه وهزاره ورخماته انما كاخ وبس …………… احبه …….لالالالالالا مستحيل مكنش ينفع ……. مينفعش

عمرو
لما بابا صمم اننا نرجع من بره بعد وفاه امى الله يرحمها انا وافقت رغم عدم اقتناعى بس محبتش اسيبه يرجع لوحده وهو معندهوش غيرى ………… كمان قلت انا ليا بنت عم واخيرا هيكون ليا اخت ………. وفعلا سهى عاقله وموزونه ورايها حلو وانا فعلا فعلا كنت بحب اوى اوى انى احكى معاها واعرف رايها فى كل خطوه فى حياتى انما احبها لالالالالالالالالالالالا ………………….. برضه مكنش ينفع

سهى
بابا اصر اننا نتخطب وغصب عننا وافقنا على دى ……………………كان بيقول بكره هنحب بعض انما ازاى دا صعب اوى ………………. .و بقى تقليد اننا نخرج مع بعض يوم الاتنين من كل اسبوع وطول الوقت نفضل نفكر ازاى ممكن نفركش من غير زعلهم وبرضه مكناش بنلاقى اى حل …………..لحد لما زهقت

عمرو
زهقت ……………… كل اسبوع كنا نخرج نفكر فى حل للمشكله ومش بنلاقى احنا الاتنين مكناش عاوزين بعض يبقى ليه العند ………………..سلمت امرى لله واهى برضه سهى كانت بتوحشنى ويومها كنت عاوز اخد رايها فى مشروع هعمله كانت فرصه نغير مسار الحوار …………..

سهى
كانت اول مره اخرج مع عمرو وارجع مبسوطه ……………. اول مره نتكلم فى حاجه غير المشكله اللى بينا دى ………… اول مره نضحك من قلبنا بجد ……….. كان يوم جميل اوى ولو انه فى الاخر عمرو حسيته مش مبسوط ومكنتش عارفه ليه ………….. انا مبحبش اشوفه زعلان …………… هو فعلا كان له فى قلبى غلاوه كده وحب انما يعنى مش حب ارتباط ولو انى لما كنت بفكر مع نفسى كنت بلاقى نفسى بقول انه جدع وراجل ومغامر وويومها اكتشفت ان دمه خفيف اوى وليه لا ………….. بس كنت برجع واقول لا عمرو اخويا وبس

عمرو
اليوم فعلا كان حلو الا فى اخره …………… مش عارف انا اتضايقت ليه ساعتها ………… واحد زميل سهى من الشغل شافنا وجه سلم علينا وحسيت فى عنيه نظره اعجاب او تقدير ضايقتنى اوى اوى …………. محبتش حد يبصلها كده ……….. ولما ركزت انى غيران اتضايقت اكتر ……………….. هى سهى صحيح جميله ورقيقه وفيها اللى مشفتهوش فى اى بنت تانيه سواء اخلاق او طيبه او رقه مشاعر مش فى البنات اللى بره ببرود اعصابهم وبرود مشاعرهم ………… واحياننا كنت بحس انها بتوحشنى وانى عاوز اكلمها انما انى ارتبط بيها …………. لا بيتهيئلى مكنش ينفع سهى اختى وبس

سهى
وفضل فتره غريب فى كلامه وتصرفاته واسلوبه وبطلنا نتكلم فى هنسيب بعض ازاى وبقت خروجاتنا وكلامنا كلهم حلويين اوى ……… وانا مش فاهماه ولا عارفه ليه ولا فاهمه فى ايه بالضبط …………. كل اللى اعرفه انى كنت بدئت احس ان قلبى بدء يزقزق كده ………… وبدئت افكر فى عمرو ………. مش عارفه كنت حاسه انى مبسوطه وفرحانه اوى ……………. انما اللى حصل بعدها مخلنيش مبسوطه وضيع فرحتى

عمرو
ليه معرفش ………… لا اعرف …………..انا كنت بدئت احبها فقلت اخلص بقى من الموقف دا ……………… وفى اول خروجه لينا مع بعض لقيتنى فجاه وعلى كلمه مش مستاهله بزعق وبقولها انتى ايه يابنتى انتى افتكرتينى بحبك ولا ايه ولا اكمننا بقالنا كام مره كده بنتكلمش هنسيب بعض ازاى اتعلقتى فوقى يا ماما انتى خانقه وانا عاوز واحده متحضره مش زيك كده تخنقنى بدا اه ودا لا………………. وسبتها فى الشارع ومشيت

سهى
كان يوم بارد اوى ………………. وهو كمان كان بارد اوى فجاه كده واول ما بدئت احس انى بحبه يعمل كده …………… وسابنى فى مكان انا معرفهوش ومشى ………………… وعلشان تكمل فجاه بدئت تشتى شتا رهيب ….. والتليفون فصل شحن ……….. وطلعت اجرى فى الشارع علشان الاقى اى تاكسى اركبه ومكنش فيه تاكسى ووقفت فى الشارع وقت وغرقت كل هدومى وسقعت وكنت خلاص هعيط وانا مش عارفه اعيط علشان كرامتى ولا علشان الساقعه اللى حاسه بيها بس كرامتى كان وجعها اكبر …………. ووصلت البيت ملقتش حد وقعدت اعيط معرفش اد ايه لحد ما اغمى عليا ……….

عمرو
مشيت وانا مش عارف انا عملت كده ليه وازاى اتنرفز على حاجه هبله كده للدرجه دى ………………. وفجاه بدئت تشتى ولما بدئت تشتى قلقت عليها ومعرفتش ارجع ازاى …………. فجاه افتكرت ان سهى متعرفش حاجه فى المكان دا …………… وحسيت فجاه انا ادد ايه انانى وكنت هقع من طولى ………….. وحاولت اتصل بيها لقيت التليفون مقفول ……………….. كنت هتجن ايه اللى انا عملته دا ……………………. كنت هموت من القلق عليها وفى كل الزعل دا لقيتنى بقول يا حبيبتى يا سهى ايه اللى انا عملته دا ………………. وقتها اتاكدت انى بحبها اوى مش بس بحبها مطلعش مستحيل ………………… انا بحبها

سهى
فقلت لقيتنى فى السرير ومش قادره اتكلم ………….. شايفاهم خيال ……………. وبدور فى وسطهم على عمرو …………. كانت حمى شديده اوى …………………. تخريف وتعب كنت بموت ………………

عمرو
كنت هموت لما عرفت انهم روحوا لقيوها واقعه فى الارض وهدومها غرقانه من الشتا وبتخرف …………… وان عندها حمى ومبتصحاش ولا بتفوق…………………….. كنت هموت ومبقتش عارف ازورها ولا مزورهاش …………………….. كان نفسى اشوفها واعتذرلها ……………………

سهى
كل ما كنت افوق كنت ادور عليه وازعل لما ملاقيهوش يعنى مش ناوى يصالحنى ……………….. محبنيش زى ما حبيته ……………………. خلاص يعنى ………………………….
وفى الاخر جه اخيرا ………… ساعتها مكنتش عارفه جه بجد ولا دا حلم زى كل مره …………….. ما كل ما كنت افوق وملاقيهوش كنت احلم بيه انه جه ……………………. ساعتها بصيتله ومبقتش عارفه اعمله ايه ولا اقول ايه ولقيتنى بقوله انت هنا بجد ولا دا حلم برضه ……………… ومعرفش ليه لقيته بيعيط ……………. مديت ايدى علشان امسح الدمعه دى لانها ضايقتنى ……….. بس لسه كنت بخرف ومش شايفه كويس ومديت ايدى فى اتجاه بعيد ولقيته مسك ايدى باديه الاتنين وقالى انا اسف سامحينى مكنتش اعرف انى بحبك اوى كده ………..

عمرو
شكلها وهى نايمه وتعبانه ومش شايفانى كويس وجع قلبى وكلمتها لما قالتلى انت هنا بجد ولا حلم زى كل مره ……… حسستنى انى غبى اوى بتحلم بيا كمان ………………. ياااااااااااااااااااااااااااااااااااااااااه كنت عاوز اوطى على اديها وابوسها واعتذرلها واقولها انى بجد غبى …………………. بس اتكسفت ……………. وفهمت احساسها لما كانت بتتكسف مكنش غلط ولا كان خنقه ……………. كان رقه مشاعر واخلاق ………………….. ومسكت ايدها وقلتلها اسف وانى بحبها اوى …………….. لقيتها مسكت اديا باديها الاتنين وقالتلى انا كمان بحبك اوى ……………… خليك هنا متمشيش ……………
وراحت فى النوم تانى …………….. ياااااااااه يعنى كنا محتاجين الموقف دا علشان نعرف انه مش مستحيل واننا فعلا بنحب بعض …………………….انا اهو بحبها ومطلعش مستحيل

سهى
ولما فقت تانى لقيته جنبى ولحد ما بقيت كويسه كان بييجى كل يوم ويفضل جنبى لحد بليل يروح ينام فى بيتهم وييجى الصبح اصحى الاقيه جنبى …………….. يعنى كان لازم كل دا علشان نعرف اننا بنحب بعض …………. انا عديت كل كلامه اللى قاله كفايه اعتذاره ووجوده جنبى …….. مطلعش مستحيل خالص وبنحب بعض اهو ………. كان عندهم حق ياريتنا سيبنا مشاعرنا لبعض من البدايه بدل ما كنا بعاد كده طول الوقت دا …………… الحمد لله انى مع عمرو والحمد لله بجد انها خلصت كده ……….. بوجودنا مع بعض